RAPPA THE GAME ASHTAKIWA KWA KUMPIGA KONDE POLISI

                                                         Rappa The Game.

RAPPA wa Marekani, Jayceon Terrell Taylor maarufu kwa jina la The Game ameshtakiwa kwa kumpiga polisi aliyedai kusababishiwa maumivu katika ubongo.

The Game alimpiga konde askari polisi wakati wakifanya mazoezi ya mchezo wa kikapu Machi 29, mwaka huu katika Uwanja wa Shule ya Sekondari ya Hollywood jijini Los Angeles, Marekani.

Askari huyo aitwaye, Onyebuchi Awaji ambaye hakuwa zamu siku hiyo ameeleza kuwa hakuchochea chochote kilichopelekea achapwe konde hilo japo The Game amesema alifanya hivyo kujihami baada ya askari huyo kumtishia kwa bastola. 

Wapambe wa The Game wameeleza kuwa rappa huyo aliamua kujihami baada ya Awaji kumtishia kuwa angeenda kwenye begi lake kuchukua bastola baada ya kutokea sintofahamu baina yao.

Awaji anayedai kusababishiwa maumivi katika ubongo alieleza kuwa baada ya Game kumpiga alitokomea kutoka eneo hilo mara baada ya kusikia polisi wakiitwa. 

GPL