Kituo cha polisi charindima kwa mabomu,,,,,,,,,,bofya hapa kuona jinsi mabomu hayo yakipigwa

       Mkuu wa Mkoa wa Kilimanjaro, Leonidas Gama. 

Jeshi la Polisi mkoani Kilimanjaro, limelazimika kutumia mabomu ya machozi na silaha za moto, kuzima maandamano ya wafugaji wa jamii ya Kimasai kutoka mikoa ya Arusha, Manyara na Kilimanjaro, waliokuwa wamejipanga kuvamia Kituo Kikuu cha Polisi Sanya Juu, Wilaya ya Siha mkoani hapa.

Wafugaji hao wanadaiwa walikuwa wakishinikiza kiongozi wao anayeshikiliwa (jina halijafahamika), kuachiwa na Polisi Wilaya ya Siha.

Askari wa Kikosi cha Kutuliza Ghasia (FFU) kutoka Mjini Moshi waliokuwa na magari manne, walilazimika kutumia nguvu walipokutana na wafugaji hao wakiwa wamefika eneo la mwisho wa lami njia panda ya Karansi na Magadini, Wilaya ya Siha wakielekea kilipo kituo hicho umbali wa kilomita tano.